Tommi Turunen on Mika Keräneni alter ego. Autor selgitab oma teise mina tausta järgmiselt: „Need tekstid räägivad sellest, mis oleks juhtunud minuga, kui ma poleks tulnud Eestisse, vaid oleksin jäänud Põhja-Karjalasse.“ Mõistagi kirjutab Turunen kodumurdes. Valiku oma luuletusi on ta avaldanud raamatus „Latvis“ (2021). Eesti publik on Turuneni loomingust osa saanud prõmmusaalides, nüüd on hea meel avaldada paar luuletust Contra tõlgituna ka Sirbis.

Silmävesi päst priis

ma ei pelgäq sõta
egaq putinit egaq surma
egaq ütsindäolõkit
kirändüskriitikat liikmismüllü ekret
vai fc florat
ütskõrd võidami nigunii
ku mitte seo huuaig
sis tulõva

a pelgä külh periselt tuud
kas ma tulõ toimõ
tütre suurõ
kutsiguga liina pääl
ja kas latsõlats saa arvu võro keelest

pelgä ka kardokakasvatamist
kost vett saa ku lump är kuios
pelgä ka hindä põlvi peräst
et nä minnu alt es vidänü

mu meelest ma pelgä õigit asju
ma pelgä noid asju miä mullõ miildüseq
ja ma ei pelgäq umist tundist kõnõldaq
inämb ei pelgäq ollaq õkvalt
sääne miis nigu olõ
esiki ku sa must arvu ei saaq
esiki ku ma esiq hindäst arvu ei saaq

ikkõq ka ei pelgäq
huulõq joba habisõsõq
põsõlihassõq vibisõsõq
neoq ommaq rassõq aoq
mass ikkõq õigidõ asju peräst
pelädäq õigit asju

 

Aig OM käen

Eino kulõq, sul ka joba aig aigupiten pääst ullis minnäq.
Pia suur miis ja käeq-jalaq tüüd täüs.

Õkvalt sohva pääle pikäle ja ei pakõq kohegi.
OM nigu OM, muguq olt ja valgustut.

Olt ja valgustut vai ikõt ja valgustut.
Võit torśotaq hindäette.

Egas taa monoluug nii tõsinõ kah ei olõq.
Sa ei piäq hinnäst nüpeldämä.

Nüpeldäq ummi ettekujotuisi!
Ütskõik midä tühjä tuu tähendäs.

Kae noq, mudsu tuli nakas kistuma.
Kistuguq noh.

Pümmen omgi kinämb ollaq.
Ei saaq midägi tarvilist tetäq.

Niimuudu!
Rahulidsõlt. Hürrämäldäq.

Lasõq no üts kõrdki ollaq nii nigu OM.
Ei liigutaq ninnigi, pikutat niisamatõ uma ao täüs

ja või ollaq,
et päält tuud

võit vast viil ma ütle maksimum kalalõ minnäq.
Mõllu vehkmäldäq pillut mõrraq sinnäq, kohe tuul paadi vii.

Ja sis nakas är pildma, või vel´o.
Kujotat ette midä kõkkõ.

Ah et nigu näütüses?
No egaq maq kah ei tiiäq.

Maq olõ saq
ja taa om monoluug,

mitte määndegine psükoterapeut,
a elomuutus piät aigupiten tulõma.

Ku sa õkvalt hipis ei nakaq,
sis võit iks jo kablutaq kunstinäütüisi vallalõtegemiisi piten

ja võrgutaq vannu ribatanu nissuga hipisit.
Kül nuuq näütäseq sullõ reikit

ja kiitväq säänest tantraputru,
et õkvalt OM.

Oh, kül sa är käänät,
är murõhtaguq.

 

Karjala keelest võru keelde tõlkinud Contra.